پی ڈی ایم کا جلسہ یادگار اور تاریخی ہوگا، ایاز صادق

مسلم لیگ نون کے رہنما ایاز صادق کہتے ہیں کہ غیر سیاسی افراد بھی آرہے ہیں کہ انہیں بھی جلسے میں لے جائیں گے، پی ڈی ایم کا جلسہ یادگار اور تاریخی ہوگا۔

لاہور میں ایاز صادق نے اپنی رہائش گاہ کے باہر میڈیا سے گفتگو کرتے ہوئے کہا کہ ایک جماعت کا مقابلہ ملک کی تمام اپوزیشن جماعتوں سے ہورہا ہے۔

ایاز صادق نے کہا کہ قائدین دوپہر میں میری رہائش گاہ تشریف لائیں گے جہاں مختصر اجلاس ہو گا۔

شیر یا کوئی جانور جلسوں میں ہرگز نہ لائیں، مریم اورنگزیب

محکمہ وائلڈ لائف پنجاب نے لاہور میں مریم نوازکی ریلی میں زندہ شیر لانے والے دو افراد کو گرفتار کرلیا، شیر کو تحویل میں لے کر چڑیا گھر منتقل کردیا گیا ہے۔مسلم لیگ نون کی ترجمان مریم اورنگزیب کاکہنا ہے کہ پارٹی قیادت نے سختی سے ہدایت کی ہے شیر یا کوئی جانور جلسوں میں ہرگز نہ لائیں، یہ طرز عمل قانون کے مطابق نہیں ہے ۔

اُنہوں نے یہ بھی کہا کہ دوپہر کا کھانا اور ظہر کی نماز بھی ادا کی جائے گی جس کے بعد قائدین میری رہائش گاہ سے ہی جلسہ گاہ کے لیے روانہ ہوں گے۔

 پاکستان پیپلز پارٹی کے چیئرمین بلاول بھٹو زرداری بھی ایاز صادق کے ظہرانہ میں شریک ہوں گے جس کے بعد وہ جلسہ گاہ جائیں گے۔

واضح رہے کہ لاہور میں حکومت مخالف اتحاد پاکستان ڈیموکریٹک موومنٹ کا پاور شو آج ہونے جا رہا ہے۔

PDM جلسہ، گریٹر اقبال پارک کا کونسا گیٹ کس کیلئے مختص

لاہور کے گریٹر اقبال پارک میں مینارِ پاکستان تلے آج اپوزیشن کے اتحاد پاکستان ڈیموکریٹک موومنٹ (پی ڈی ایم) کا جلسہ ہونے جا رہا ہے، پارک کے 6 گیٹ ہیں اور جلسے کی انتظامیہ کی جانب سے طے کر لیا گیا ہے کہ کس گیٹ سے کون آئے گا۔

مینارِ پاکستان کے گراؤنڈ میں قائدین کے لیے کنٹینر منگوا لیے گئے ہیں، شرکاء کے لیے کرسیاں لگ گئی ہیں۔

اپوزیشن اتحاد کے جلسے کی سیکیورٹی جمعیت علمائے اسلام (ف) کے کارکنوں کے سپرد کر دی گئی ہے۔