بلوچستان میں نان کسٹم پیڈ گاڑیوں کیخلاف کارروائیاں جاری

ترجمان کسٹمز کے مطابق بلوچستان کے مختلف شہروں میں نان کسٹمز پیڈ گاڑیوں کے خلاف محکمہ کی جانب سے کارروائیاں کی جارہی ہیں۔

موصول اطلاعات کے مطابق جولائی سے لے کر اب تک کوئٹہ سمیت صوبے کے مختلف شہروں میں متعدد کارروائیاں عمل میں لائی گئی ہیں۔ اس دوران کسٹمز ڈیوٹی ادا نہ کرنے والی 607 گاڑیوں کو تحویل میں لیا گیا۔

ان میں کئی لگژری اور قیمتی گاڑیاں بھی شامل ہیں، تحویل میں لی گئی تمام گاڑیوں کی مالیت 937 ملین روپے بتائی جاتی ہے۔

کسٹمز حکام کے مطابق نان کسٹمز پیڈ گاڑیوں کے خلاف کارروائیاں آئندہ بھی جاری رہیں گی۔