فرمان الہی
نماز کے اوقات
پشاور کے بی آر ٹی کے تہکال اسٹیشن پر بس میں مبینہ خرابی کے باعث اسٹیشن پر بس رکنے کی وجہ سے بی آر ٹی بسوں کی قطار لگ گئی۔
پشاور بی آر ٹی کا اسٹاف بس کو راستے سے ہٹانے میں مصروف ہے۔
ادھر ترجمان ٹرانس پشاور عمیر خان کا کہنا ہے کہ تہکال اسٹیشن کے قریب مرکزی کوریڈور پر یک طرفہ بسیں چلائی جا رہی ہیں، بی آر ٹی کی کوئی بس خراب نہیں ہوئی۔
عمیر خان کا مزید کہنا ہے کہ تہکال اسٹیشن کے قریب مین ہول کی مرمت کی جا رہی ہے، جبکہ تہکال پایاں اسٹیشن عارضی طور پر بند ہے۔
ترجمان ٹرانس پشاور کا یہ بھی کہنا ہے کہ مرمت کا کام ایک گھنٹے میں مکمل کر لیا جائے گا، شہریوں کو بلا تعطل سروس فراہم کی جارہی ہے۔
