برطانوی پرواز کی واپسی کا نوازشریف کے معاملے سے تعلق نہیں، شہزاد اکبر

وزیراعظم  عمران خان کے مشیر برائے داخلہ شہزاد اکبر نے کہا ہے کہ برطانیہ سے ڈی پورٹیز کی فلائٹ کی واپسی کا نوازشریف کے معاملے سے کوئی تعلق نہیں ہے۔

ایک بیان میں شہزاد اکبر نے کہا کہ ہم نے نوازشریف کو ڈی پورٹ کرنے کا مطالبہ کیا ہے جس پر برطانیہ کو فیصلہ کرنا ہے۔

شہزاد اکبر نے کہا کہ سینیٹ اور سلیم مانڈوی والا سمیت تمام ارکان قابل احترام ہیں۔

برطانیہ نے نوازشریف کی ڈی پورٹیشن سے متعلق انکار نہیں کیا، شہزاد اکبر

مشیر داخلہ نے کہا ہے کہ برطانوی حکومت نے ہرگز نہیں کہا کہ ہم ڈی پورٹیشن کا معاملہ مسترد کرتے ہیں، بلکہ کہا ڈی پورٹیشن سے متعلق جو چیزیں ہم لائے ہیں ان پر غور کیا جائے گا۔

چیئرمین نیب کی سینیٹ میں طلبی پر تنقید کرتے ہوئے شہزاد اکبر کا کہنا تھا کہ کسی ادارے کے افسر کو پن پوائنٹ کرنا مناسب نہیں ہے۔

انہوں نے کہا کہ چیک باؤنس ہونے پر کسی رکن پارلیمنٹ پر ایف آئی آر درج ہو تو کیا ایس ایچ او کو پارلیمنٹ بلالیں گے۔