بہاولپور: شوگر ملز کے سامنے گنے سے لدی گاڑیوں کی لمبی لمبی قطاریں

25 دسمبر ، 2020

جنوبی پنجاب کے ضلع بہاولپور میں گنے کے کرشنگ سیزن کا آغاز ہوتے ہی شوگر ملز کے سامنے گنے سے لوڈ ٹریکٹر ٹرالیوں اور ٹرالرز کی لمبی لمبی قطاریں لگ گئی ہیں۔

کاشت کاروں کو گنے کی فروخت کے لیے کئی کئی دن انتظار کرنا پڑ رہا ہے، گنے کی پیداوار میں کمی کی وجہ سے شوگر ملز اور نجی خریدار کاشت کاروں سے مقررہ سرکاری ریٹ سے چند روپے زیادہ میں خریداری کر رہے ہیں۔

حکومتِ پنجاب کی طرف سے پابندی کے باوجود ضلع میں جگہ جگہ گنے کی خریداری کے لیے نجی خریداری پوائنٹس لگ چکے ہیں۔

نجی خریدار گنے کی خریداری شوگر ملز کے مقابلے میں ایک دو روپے فی 40 کلو گرام زیادہ قیمت میں کر رہے ہیں۔

کاشت کاروں کے مطابق نجی خریدار گنے کے وزن میں بہت زیادہ کٹوتی کر رہے ہیں۔

یہ بھی پڑھیے

گنے سے لوڈ ٹرالیوں کے باعث ٹریفک بند،حادثات میں اضافہ

شوگر ملز اس سال گنے کی پیداوار کم ہونے کی وجہ سے اپنی ملز کی ضرورت کے مطابق گنے کی خریداری کے لیے کاشت کاروں سے حکومتی مقررہ ریٹ سے زیادہ قیمت میں گنا تو خرید رہی ہیں لیکن وزن میں کٹوتی اور کاشت کاروں کو ادائیگی میں بلا جواز تاخیر کر رہی ہیں۔

گنے کے کاشت کاروں کا مطالبہ ہے کہ ضلع انتظامیہ اور کین کمشنر پنجاب کو مسائل کے حل کے لیے عملی اقدامات کرنا ہوں گے۔

تازہ ترین