امتیاز شیخ کا صوبے کی ضرورت سے کم گیس کی فراہمی کا وفاق پر الزام

30 دسمبر ، 2020

وزیر توانائی سندھ امتیاز شیخ نے وفاقی حکومت پر الزام لگایا ہے کہ وہ صوبے کی ضرورت سے کم گیس فراہم کررہا ہے۔

کراچی میں پریس کانفرنس کے دوران امتیاز شیخ نے کل وفاقی وزراء کی پریس کانفرنس کی باتوں کو جھوٹ قرار دیا۔

انہوں نے کہا کہ سندھ 2600 ایم ایم سی ایف ڈی گیس کی پیداوار کرتا ہے جبکہ اسے صرف 950 ایم ایم سی ایف ڈی گیس فراہم کی جاتی ہے۔

وزیر توانائی سندھ نے مزید کہا کہ اس کے برخلاف صوبے کی ضرورت 1500 ایم ایم سی ایف ڈی ہے۔

یہ بھی پڑھیے

ان کا کہنا تھا کہ وزیراعلیٰ سندھ نے وفاق کو گیس بحران کی حقیقت بتائی اور اپنے خط میں آئینی بات کی۔

امتیاز شیخ نے یہ بھی کہا کہ سندھ سمیت پورے ملک میں گیس کا بدترین بحران ہے، سمجھ ہی نہیں آتا کہ وفاقی حکومت کی انرجی پالیسی کیا ہے۔

انہوں نے کہا کہ جب گیس خریدنا ہوتی ہے، اُس وقت خریدتے نہیں، کل کی پریس کانفرنس میں وفاقی وزراء نے گیس سے متعلق جھوٹ بولا۔

وزیر توانائی سندھ نے کہا کہ گیس بحران کی وجہ سے صنعتیں مشکلات میں ہیں، ملک بھر میں لوگ بحران کے باعث تکلیف میں مبتلا ہیں۔

تازہ ترین

پاکستانی نژاد حمزہ یوسف پر شدید دباؤ، اسکاٹش فرسٹ منسٹر کے عہدے سے مستعفی