صوابی(نمائندہ جنگ )کالو خان ضلع صوابی کی پولیس نے ٹرالر کے ذریعے لاکھوں روپے مالیت کی پانچ من سے زائد مقدار میں چرس صوبہ پنجاب سمگل کر نے کی کوشش ناکام بنا کر ڈرائیور کو گرفتار کر لیا۔ پولیس تھانہ کالو خان کی رپورٹ کے مطابق اطلاع ملنے پر ایس ایچ او ہارون خان نے پولیس پارٹی کے ہمراہ بمقام پولیس چوکی اُتم ناکہ بندی کر دی۔اس دوران ایک ٹرالر نمبرZ2566پشاور کو روک لیا اور جب گاڑی کی تلاشی لی گئی تو خفیہ خانوں سے مجموعی طور پر 530کلو گرام چرس بر آمد ہوئی جس کی مالیت لاکھوں روپے بنتی ہے۔ پولیس نے ڈرائیور حاجی ولد محمود سکنہ بستی کوٹ ملک آباد ضلع رحیم یار خان کو گرفتار کرلیا ٹرالر اور چرس کو قبضے میں لے کر منشیات ایکٹ کے تحت ایف آئی آر درج کر کے تفتیش شروع کر دی ہے۔
فرمان الہی
نماز کے اوقات
