فرمان الہی
نماز کے اوقات
محمود چوہدری نے بختاور بھٹو سے اپنی منگنی کو سال 2020 کی خوبصورت ترین یاد قرار دے دیا۔
سابق وزیرِاعظم شہید بے نظیر بھٹو اور سابق صدر آصف زرداری کی بڑی صاحبزادی بختاور بھٹو کے منگیتر محمود چوہدری نے اپنے انسٹاگرام اکاؤنٹ پر بختاور بھٹو کی ایک دلکش تصویر شیئر کی ہے۔
مذکورہ تصویر بختاور بھٹو اور محمود چوہدری کی منگنی کے خاص دن کی ہے۔
تصویر میں بختاور بھٹو زرداری عروسی لباس میں ملبوس اسٹیج پر بیٹھی ہیں۔
محمود چوہدری نے منگیتر کی دلکش تصویر شیئر کرتے ہوئے کیپشن میں لکھا کہ ’یہ سال 2020 کی میری سب سے حسین یاد ہے۔‘
اُنہوں نے سالِ نو کے لیے دُعا کرتے ہوئے لکھا کہ ’میری دُعا ہے، 2021 ہم سب کے لیے ایک بہترین سال ثابت ہو۔‘
خیال رہے کہ بختاور بھٹو زرداری اور محمود چوہدری کی منگنی گزشتہ سال بلاول ہاؤس کراچی میں ہوئی تھی۔
منگنی کی تقریب میں 100 سے 150 مہمان شریک ہوئے تھے جبکہ اس موقع پر بختاور اور محمود چوہدری نے ایک دوسرے کو انگوٹھی پہنائی تھی۔
تقریب میں شریک محمود چوہدری کے اہلِ خانہ کا وفد 12 سے 15 افراد پر مشتمل تھا۔
