آپ آف لائن ہیں
بدھ6؍ جمادی الثانی 1442ھ 20؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

بابر اعوان کا فضل الرحمٰن کے پیز ا نہ کھلانے کے شکوے پر جواب


وزیراعظم عمران خان کے مشیر برائے پارلیمانی امور بابراعوان نے کہا ہے کہ اپوزیشن اتحاد (پی ڈی ایم) 100 دن کے اندر ہی اپنی موت آپ مرگیا۔

میڈیا سے گفتگو میں بابراعوان نے اپوزیشن اتحاد کو مشورہ دیا کہ اب وہ پارلیمان کی طرف دیکھیں کیونکہ وزیراعظم عمران خان صاف طور پر کہہ چکے ہیں کہ گفتگو کا فورم پارلیمان ہے۔

انہوں نے کہا کہ یہ کہہ رہے تھے ہمارے رابطے ہیں کل ڈی جی آئی ایس پی آر نے صاف کہہ دیا کہ ہمارا کوئی رابطہ نہیں ہے۔


وزیر اعظم عمران خان کے مشیر نے مزید کہا کہ پاکستان کے تمام آئینی اداروں فوج، عدلیہ کا سیاست سے کوئی تعلق نہیں ہے۔

صحافی نے بابراعوان سے سوال کیا کہ مولانا فضل الرحمٰن نے کل پیزا نہ کھلانے کا شکوہ کیا، اس پر آپ کیا کہیں گے؟

اس پر مشیر برائے پارلیمانی امور نے جواب دیتے ہوئے کہا کہ مولانا فضل الرحمٰن سے غلطی ہوگئی ہے وہ پیزا کی جگہ حلوہ کہنا چاہ رہے تھے۔

ان کا کہنا تھا کہ ڈپٹی چیئرمین قومی احتساب بیورو (نیب) کے خلاف معاملہ ایوان میں حل کرنے کا فیصلہ ہوا ہے۔

قومی خبریں سے مزید