• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اسامہ ستی قتل: وزیراعظم کی ہٹائے گئے تمام افسران کے خلاف کارروائی کی ہدایت

تازہ ترین
قومی خبریں
13 جنوری ، 2021


اسلام آباد میں اسامہ قتل کی تحقیقات کے معاملے پر وزیراعظم  عمران خان نے وزیر داخلہ کو اسامہ قتل کیس کی جوڈیشل انکوائری کی سفارشات پر عملدر آمد کی ہدایت کر دی ہے۔

 ذرائع کے مطابق جوڈیشل انکوائری کی سفارش پر ایس پی اے ٹی ایس، نائٹ ڈیوٹی پر ایس پی انویسٹی گیشن، ڈی ایس پی نائٹ ڈیوٹی، ایس ایچ او تھانہ رمنا اور ایس ایچ او کراچی کمپنی کو عہدے سے ہٹانے کا حکم دیا گیا ہے۔

امن و امان کے بارے میں کوئی سمجھوتہ نہیں کیا جائےگا، وزیر اعظم

ذرائع کا کہنا ہے کہ وزیر داخلہ شیخ رشید نے وزیراعظم کو ملک میں امن و امان کی صورتحال پر بریفنگ دی ۔

وزیراعظم نے ہٹائے جانے والے تمام افسران اور اہلکاروں کے خلاف محکمانہ کارروائی کی ہدایت کی ہے۔

تازہ ترین