پرسنل ڈیٹا پروٹیکشن بل حتمی مراحل میں داخل ہوگیا: امین الحق

14 جنوری ، 2021

وفاقی وزیر آئی ٹی سید امین الحق کا کہنا ہے کہ وزارت انفارمیشن ٹیکنالوجی کے تحت پرسنل ڈیٹا پروٹیکشن بل حتمی مراحل میں داخل ہوگیا۔

انہوں نے کہا کہ بل میں پرائیویسی اورمعاشی تسلسل کو برقرار رکھنے کے نکات شامل ہیں، بل کا مقصد پاکستانی صارفین کا تحفظ اور معاشی سرگرمیوں کو فروغ دینا ہے۔

امین الحق نے کہا کہ ڈیٹا پروٹیکشن بل کی تیاری میں تمام اسٹیک ہولڈرز کی مشاورت و تجاویز شامل ہیں، بل میں بنیادی اہمیت بطور سبجیکٹ ’صارف‘ کو دی گئی ہے۔

وزیر آئی ٹی امین الحق نے یہ بھی کہا کہ بل میں تمام بین الاقوامی قواعد اور سوشل میڈیا کمپنیوں کی پالیسیوں کو مدنظر رکھا گیا، ہماری اولین ترجیحات میں پاکستان کے عام شہریوں کے ڈیجیٹل ڈیٹا کا تحفظ یقینی بنانا ہے۔

تازہ ترین