حکومتِ پاکستان کا عالمی طرز کی سماجی ایپ تیار کرنے پر غور

حکومت پاکستان عالمی طرز کی سماجی رابطے کی ایپ تیار کرنے پر غور کررہی ہے، سماجی رابطہ ایپ وزارت انفارمیشن ٹیکنالوجی اور آئی ٹی ماہرین تیار کریں گے۔

میڈیا رپورٹس میں کہا جارہا ہے کہ یہ جدید سماجی رابطہ ایپ مکمل تحفظ پر مبنی ہوگی۔ اس میں مسیجز، وائس کال، ویڈیو کال سمیت دیگر تمام خصوصیات شامل ہوں گی۔

اس سماجی رابطہ ایپ کی تیاری پر بات چیت جاری ہے، وفاقی کابینہ کی منظوری کے بعد اس سماجی رابطہ ایپ پر باقاعدہ کام شروع ہوجائے گا۔

وفاقی وزیر آئی ٹی امین الحق نے بتایا کہ اس ایپ کے ذریعے مسیجز، وائس میسج، ویڈیو کالنگ کے ساتھ سماجی رابطوں کی جدید سہولیات میسر ہوگی۔

پاکستان کی ٹریکنگ کمپنی گوگل میپ کے مدّمقابل آگئی

پاکستان کی معروف انٹرنیٹ آف تھنگ(آئی او ٹی) کمپنی...

انہوں نے بتایا کہ اس ایپ میں ممکنہ طور پر موبائل نمبر اور شناختی کارڈ سے رجسٹریشن ہوگی، اس میں لوگوں کے ڈیٹا اور پیغامات کا مکمل تحفظ ہوگا اور صارف کی ذاتی معلومات کو بھی تحفظ حاصل ہوگا۔

وفاقی وزیر کے مطابق کوشش ہے کہ اس ایپ کو رواں برس شروع کردیا جائے، اس کی تیاری پر جلد وزارت اور مقامی آئی ٹی ماہرین کام شروع کردیں گے، یہ ایپ وزارت آئی ٹی کے ماتحت ہوگی۔