آپ آف لائن ہیں
پیر16؍ رجب المرجب 1442ھ یکم مارچ2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

پرویز خٹک نے اپوزیشن احتجاج کو غنڈہ گردی قرار دیدیا


وزیر دفاع پرویز خٹک نے اپوزیشن اتحاد (پی ڈی ایم) کی احتجاجی تحریک کو بلیک میلنگ اور غندہ گردی قرار دیدیا۔

نوشہر میں جیو نیوز سے گفتگو میں پرویز خٹک نے کہا کہ وزیراعظم عمران خان نے اپنا حساب الیکشن کمیشن کے سامنے پیش کردیا ہے۔

انہوں نے کہا کہ اپوزیشن جماعتوں کو بھی الیکشن کمیشن کو اپنا حساب دینا ہوگا، کوئی سمجھتا ہے غندہ گردی کرکے حساب سے بچ جائیں گے، یہ اُن کی غلط فہمی ہے۔

وزیر دفاع نے مزید کہا کہ وزیراعظم عمران خان اپوزیشن کی بلیک میلنگ اور غندہ گردی سے مرعوب ہونے والے نہیں ہیں۔


اُن کا کہنا تھا کہ سابق وزیراعظم نواز شریف پورے ملک کو بے وقوف بناکر لندن بھاگے ہیں، وہ لندن میں تندرست اور مزے کر رہے ہیں۔

پرویز خٹک نے دعویٰ کیا کہ اگلے 5 سال بھی حکومت تحریک انصاف کی ہی ہوگی۔

انہوں نے کہا کہ الیکشن 2018ء سے متعلق اپوزیشن کے خدشات دور کرنے کے لیے وزیراعظم عمران خان نے کمیٹی بنائی۔

وزیر دفاع نے یہ بھی کہا کہ اپوزیشن نے وزیراعظم کی بنائی گئی کمیٹی میں الیکشن دھاندلی کا کوئی ثبوت پیش نہیں کیا۔

اُن کا کہنا تھا کہ آج بھی دعوت دیتا ہوں دھاندلی کے ثبوت پیش کریں تو مستعفی ہوجاؤں گا۔

قومی خبریں سے مزید