پاکستان،کورونا وائرس ایک دن میں مزید 46 زندگیاں لے گیا

پاکستان میں کورونا وائرس کی دوسری لہر جاری ہے، جس کے باعث یہاں کورونا وائرس کے کیسز اور اس سے اموات کا سلسلہ تاحال جاری ہے، کورونا مریضوں کی تعداد کے حوالے سے مرتب کی گئی فہرست میں پاکستان 31 ویں نمبر پر آگیا۔

پاکستان میں گزشتہ 24 گھنٹوں کے دوران کورونا وائرس کے مزید 1 ہزار920 کیسز سامنے آئے ہیں، مزید 46 افراد اس موذی وباء کے سامنے زندگی کی بازی ہار گئے، جبکہ 1 ہزار 589 مریض اس بیماری سے شفایاب ہو گئے۔

کراچی سمیت ملک بھر میں تعلیمی ادارے کھل گئے

ملک بھر کی طرح کراچی میں بھی آج سے نویں جماعت سے 12 ویں جماعت تک کے طلبا و طالبات کے لیے تعلیمی سلسلے کا آغاز ہوگیا ہے ۔

نیشنل کمانڈ اینڈ کنٹرول سینٹر (این سی او سی) کے اعداد و شمار کے مطابق ملک بھر میں کورونا وائرس سے انتقال کرنے والوں کی مجموعی تعداد 10 ہزار 997 ہو گئی ہے، جبکہ کُل مریضوں کی تعداد 5 لاکھ 21ہزار 211 ہو چکی ہے۔

24 گھنٹوں میں کورونا وائرس کے مزید 37 ہزار 949 ٹیسٹ کیئے گئے، کورونا کیسز مثبت آنے کی شرح5 فیصد رہی، جبکہ اب تک کُل 74 لاکھ 5 ہزار 571ٹیسٹ کیئے جا چکے ہیں۔

ملک بھر میں اسپتالوں، قرنطینہ سینٹرز اور گھروں میں کورونا وائرس کے کُل 34 ہزار 986مریض زیرِ علاج ہیں، جن میں سے 2 ہزار 348 مریضوں کی حالت تشویش ناک ہے، جبکہ 4 لاکھ 75 ہزار 228مریض اب تک اس بیماری سے شفایاب ہو چکے ہیں۔

اقبال قاسم کورونا وائرس کا شکار

پاکستان کرکٹ بورڈ (پی سی بی) کے سابق چیف سلیکٹر اقبال قاسم کورونا وائرس کا شکار ہو گئے۔

سندھ میں کورونا وائرس کے مریضوں کی تعداد دوسرے صوبوں سے زیادہ 2 لاکھ 35 ہزار 576 ہو چکی ہے، جبکہ کُل اموات 3 ہزار 793ہو گئیں۔

پنجاب میں کورونا وائرس کے اب تک 1 لاکھ 49 ہزار 782مریض سامنے آئے ہیں، جبکہ کُل ہلاکتیں دیگر صوبوں سے بڑھ کر 4 ہزار 432ہو گئیں۔

خیبر پختون خوا میں کورونا وائرس کے مریضوں کی تعداد 63 ہزار 615ہو چکی ہے، جبکہ اس سے کُل اموات 1 ہزار 783 ہو گئیں۔

وفاقی دارالحکومت اسلام آباد میں 40 ہزار 111کورونا وائرس سے متاثرہ مریض اب تک سامنے آئے ہیں، جبکہ اب تک کُل 457افراد اس وباء سے جان کی بازی ہار چکے ہیں۔

برطانیہ میں 35 لاکھ افراد کو کورونا ویکسین لگادی گئی

برطانیہ بھر میں 24 گھنٹوں میں کورونا سے 1 ہزار 295 افراد ہلاک ہوگئے

کورونا وائرس کے بلوچستان میں 18 ہزار 612مریض اب تک رپورٹ ہوئے ہیں جہاں 190 افراد اس مرض سے انتقال کر چکے ہیں۔

آزاد جموں و کشمیر میں کورونا وائرس کے اب تک 8 ہزار 631 مریض رپورٹ ہوئے ہیں، جبکہ اس کے باعث اب تک کُل 241 مریض وفات پا چکے ہیں۔

گِلگت بلتستان میں 4 ہزار 884 کورونا وائرس کے مریض سامنے آئے ہیں جبکہ اس سے اب تک 101 افراد جاں بحق ہوئے ہیں۔