پیٹر مورگن اور جمائما میں قربتیں بڑھنے لگیں

19 جنوری ، 2021

امریکی اداکارہ جیلیان اینڈرسن اور ان کے بوائے فرینڈ پیٹر مورگن میں علیحدگی کے چند ہفتوں بعد ہی پیٹر مورگن اور جمائما خان کے درمیان قربتیں بڑھنے لگی ہیں۔

غیر ملکی میڈیا رپورٹس کے مطابق 46سالہ جمائما خان اور 57سالہ مصنف پیٹر مورگن کے قریبی دوستوں کا کہنا ہے کہ پیٹر کی جیلیان سے علیحدگی کے بعد وہ جمائما خان کے ساتھ رہنے لگے ہیں۔

اس خبر پر جیلیان اینڈرسن کے بارے میں کہا جا رہا ہے کہ وہ شدید پریشان ہیں اور ان کا کہنا ہے کہ پیٹر نے انہیں چھوڑنے کے بعد کس قدر تیزی سے نئی محبت تلاش کر لی۔

جمائما اور پیٹر مورگن کے دوستوں نے ان کے تعلق کی تصدیق کرتے ہوئے بتایا ہے کہ وہ دونوں نئے سال سے ایک دوسرے کے ساتھ خوشگوار تعلق میں ہیں اور اکٹھے رہ رہے ہیں۔

یہ بھی پڑھیے

جمائما اور پیٹر مورگن پرانے دوست ہیں۔ پیٹر مورگن کے ایک دوست نے بتایا ہے کہ جمائما خان کچھ عرصے سے کوشش کر رہی تھیں کہ ان کا پیٹرمورگن کے ساتھ تعلق قائم ہو جائے۔

واضح رہے کہ جمائما خان کی عمر اس وقت 30سال تھی جب ان کی عمران خان کے ساتھ 9سالہ شادی ختم ہوئی۔

عمران خان سے علیحدگی کے بعد جمائما کا اداکار ہف گرانٹ کے ساتھ تعلق قائم ہوا جو 2سال تک چلا، اس کے بعد ایک سال تک وہ متنازعہ کامیڈین رسل برانڈ کے ساتھ تعلق میں رہیں۔ پھر ان کا نام پی آر باس میتھیو فریوڈ کے ساتھ لیا جاتا رہا۔ جمائما اور فریوڈ میں پرانی دوستی بھی تھی۔

فریوڈ کے ساتھ تعلق ختم ہونے کے بعد جمائما خان 2018 کے بعد سے برطانوی فٹ بالر جیمی ریڈنیپ کے ساتھ نظر آتی رہیں تاہم اب ان کے پیٹر مورگن کے ساتھ تعلق کی تصدیق ہو چکی ہے۔