آپ آف لائن ہیں
پیر6؍رمضان المبارک 1442ھ 19؍اپریل2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

حریم شاہ اور مفتی قوی کی ایک اور نامناسب گفتگو کی ویڈیو وائرل

عالم دین اور مرکزی رویت ہلال کمیٹی کے سابق رکن مفتی عبدالقوی کی حریم شاہ کے ہمراہ ایک اور ویڈیو سوشل میڈیا پر وائرل ہورہی ہے جس میں وہ نا مناسب گفتگو کرتے دکھائی دے رہے ہیں۔

وائرل ویڈیو میں مفتی قوی اور حریم شاہ سمیت دیگر لوگ ایک ساتھ بیٹھے بےتکلفی سے کھانا کھا رہے ہیں۔

ویڈیو میں دیکھا جاسکتا ہے کہ کھانے کی میز پر مفتی قوی نامناسب باتیں کررہے ہیں ۔

مفتی قوی کا ویڈیو میں کہنا ہے کہ ’پارٹی میں 5 قسم کی شراب ہوگی اور میں ریڈ والی پیتا ہوں کیونکہ وہ انگور کی ہوتی ہے ۔‘

ویڈیو میں  مفتی قوی گفتگو لِیک نہ ہونے کی ضمانت مانگتے ہیں جس کے بعد پھر شراب پینے کا اعتراف کرتے ہیں۔

پارٹی میں گرل فرینڈ سے متعلق سوال پر مفتی قوی کہتے ہیں کہ ایک نہیں بہت ساری ہوں گی، مفتی قوی کے قرب میں بیٹھنے کی خواتین کی خواہش ہے۔

مفتی قوی نشے سے متعلق حریم شاہ کے سوال پر وہاں موجود دوسری خاتون کو سرگوشی سے بتاتے ہیں کہ اس وقت اُن کے بریف کیس میں چرس کے 4 سے 5 سگریٹ ہیں۔

انٹرٹینمنٹ سے مزید