طارق جمیل کی اپنی پوتی کیساتھ تصاویر مقبول

معروف عالمِ دین مولانا طارق جمیل کی اپنی پوتی کے ساتھ تصویریں سوشل میڈیا پر مقبول ہوگئیں۔

سماجی رابطے کی ویب سائٹ انسٹاگرام پر نامور مبلغ اسلام مولانا طارق جمیل نے اپنی کچھ نئی تصویریں شیئر کی ہیں۔

تصاویر میں مولانا طارق جمیل اور اُن کی پوتی بےحد خوش دکھائی دے رہے ہیں جبکہ یہ تصویریں دادا اور پوتی کے خوبصورت رشتے کی عکاسی بھی کر رہی ہیں۔

طارق جمیل نے اپنے چاہنے والوں کو کونسا مشورہ دیا؟

معروف عالمِ دین مولانا طارق جمیل نے سوشل میڈیا پر ایک مفید مشورہ دے کر صارفین کے دل جیت لیے۔

مولانا طارق جمیل نے ان خوبصورت تصاویر کے کیپشن میں لکھا کہ ’اپنے بچوں کو یکساں توجہ اور وقت دینا ’’محبت‘‘ کہلاتی ہے۔‘

اُنہوں نے اپنی پوسٹ کے کیپشن میں یہ بھی بتایا کہ ’ان تصویروں میں اُن کے ساتھ اُن کی پوتی ہیں۔‘

طارق جمیل کی مقبولیت کی بات کریں تو اُنہوں نے 11 گھنٹے قبل ہی انسٹاگرام پر یہ تصویریں شیئر کی ہیں جنہیں اب تک ایک لاکھ 60 سے زائد صارفین لائک کرچکے ہیں جبکہ تبصروں کا سلسلہ بھی جاری ہے۔

مولانا طارق جمیل نے کونسا اعزاز اپنے نام کیا؟

معروف عالمِ دین مولانا طارق جمیل کے انسٹاگرام پر 10 لاکھ فالوورز ہوگئے۔

یاد رہے کہ گزشتہ سال کے آخری دنوں میں مولانا طارق جمیل بھی عالمی وبا کورونا وائرس کا شکار ہوگئے تھے۔

مولانا طارق جمیل نے اپنے ٹوئٹر پیغام میں کہا تھا کہ گزشتہ کچھ ایام سے طبعیت ناساز تھی، ٹیسٹ کروانے پر کورونا پازیٹو آیا ہے لہٰذا اطبّاء کے مشورے سے اسپتال داخل ہو گیا ہوں۔

الحمداللّہ! اب بہتر ہورہا ہوں، طارق جمیل

گزشتہ دنوں عالمی وبا کورونا وائرس سے صحتیاب ہونے والے معروف عالمِ دین مولانا طارق جمیل کی طبیعت میں بہتری آنے لگی۔

اپنے پیغام میں معروف مبلغ اسلام نے تمام محبین سے خصوصی دعاؤں کی درخواست بھی کی تھی۔