میری بہن خوشگوار شادی شدہ زندگی گُزارے: آصفہ بھٹو

سابق صدر آصف زرداری اور شہید محترمہ بے نظیر بھٹو کی چھوٹی صاحبزادی آصفہ بھٹو کی جانب سے اُن کی بڑی بہن بختاور بھٹو کے لیے محبت بھرا دعائیہ پیغام جاری کیا گیا ہے۔

گزشتہ روز بلاول ہاؤس کراچی میں بختاور بھٹو اور محمود چوہدری کے نکاح کی تقریب کا انعقاد کیا گیا تھا۔

بختاور بھٹو اور محمود چوہدری کے نکاح کے بعد جہاں اُنہیں ملک بھر سے مبارکباد دی جارہی ہیں تو وہیں آصفہ بھٹو نے بھی سوشل میڈیا سائٹ انسٹاگرام پر اپنی بہن اور بہنوئی کے لیے خصوصی پیغام جاری کیا ہے۔

آصفہ بھٹو نے اپنے تصدیق شدہ انسٹاگرام اکاؤنٹ پر بختاور بھٹو اور محمود چوہدری کے نکاح کی تقریب کی دلکش تصویر شیئر کی۔

انہوں نے تصویر کے کیپشن میں اپنی بہن اور بہنوئی کو نکاح  کی مبارکباد دی۔‘

آصفہ بھٹو نے کہا  کہ ’میری دُعا ہے آپ کو زندگی بھر خوشی اور مسرت نصیب ہو۔‘

آصفہ بھٹو کا بختاور کیلئے جذباتی پیغام

سابق صدر آصف زرداری اور شہید محترمہ بے نظیر بھٹو کی چھوٹی صاحبزادی آصفہ بھٹو کی جانب سے اُن کی بڑی بہن بختاور بھٹو کے لیے جذباتی پیغام سامنے آیا ہے۔

اُنہوں نے اپنے پیغام میں  بختاور بھٹو سے محبت کا اظہار کرتے ہوئے کہا کہ ’میری پیاری بہن، میں تم سے پیار کرتی ہوں اور میری خواہش ہے کہ آپ خوشگوار شادی شدہ زندگی گزاریں۔‘

آصفہ بھٹو کی اس محبت بھری پوسٹ کو انسٹاگرام صارفین کی بڑی تعداد پسند کر رہی ہے۔

بلاول بھٹو نے اپنی بہن بختاور کے نکاح کی تصاویر جاری کردیں

بلاول بھٹو زرداری نے محمود چوہدری کے ساتھ اپنی بہن بختاور بھٹو کے نکاح کے بندھن میں بندھنے کے بعد نو بیاہتا جوڑے کے لیے نیک تمناؤں کا اظہار کیا۔

واضح رہے کہ محمود چوہدری کے ساتھ بختاور بھٹو کے نکاح کی تقریب بلاول ہاؤس کراچی میں ہوئی، تقریب میں دونوں خاندانوں کے قریبی افراد شریک ہوئے۔

بختاور بھٹو زرداری اور محمود چوہدری نےاہل خانہ کے ساتھ تصاویر بنوائیں، تقریب میں صنم بھٹو، فریال تالپر، ڈاکٹر عاصم حسین اور دیگر نے بھی شرکت کی۔

بلاول کی بختاور اور آصفہ کیساتھ سیلفی مقبول

پاکستان پیپلز پارٹی کے چیئرمین اور سابق وزیراعظم شہید محترمہ بےنظیر بھٹو کے صاحبزادے کی اپنے دونوں ہمشیرہ بختاور بھٹو اور آصفہ بھٹو کے ہمراہ سیلفی انٹرنیٹ پر مقبول ہوگئی۔

دوسری جانب خوشی کے اس موقع پر پاکستان پیپلز پارٹی کے چیئرمین بلاول بھٹو زرداری کا کہنا تھا کہ میری بہن بختاور کی شادی طویل عرصے بعد آنے والی خوشیوں کا لمحہ ہے۔

انہوں نے کہا تھا کہ مجھے ایسا لگا کہ خوشیوں کے اس لمحے میں میری والدہ ہمیں دیکھ رہی ہیں۔

میں ابھی بھی 30 برس کی ہوں: بختاور بھٹو زرداری

سابق وزیرِاعظم شہید محترمہ بے نظیر بھٹو اور سابق صدر آصف زرداری کی بڑی صاحبزادی بختاور بھٹو زرداری کہتی ہیں کہ وہ 31 برس کی ہونے کے باوجود بھی 30 برس کی ہیں۔

پی پی چیئرمین نے کہا تھا کہ میری جانب سے دونوں کو ایک ساتھ نئی زندگی کی شروعات کی مبارک باد قبول ہو۔