عمر ایوب کی سابقہ حکومتوں پر تنقید، اپوزیشن کا شدید احتجاج

قومی اسمبلی اجلاس میں آج دوسرے روز بھی شور شرابا رہا ، عمر ایوب کی سابقہ حکومتوں پر تنقید کے بعد اپوزیشن نے شدید احتجاج کیا۔

اسمبلی اجلاس کی آج کی کارروائی میں شور شرابے کے سبب کان پڑی آواز سنائی نہیں دے رہی تھی، اس موقع پر عمر ایوب نے اپنی تقریر میں چیلنج دیا کہ ان میں کوئی الیکشن لڑنا چاہتا ہے تو آئے میرے حلقے سے لڑ لے۔

پی ڈی ایم کا استعفے دینے کا مطالبہ کیسے تبدیل ہوا، راز کھولنا نہیں چاہتا، شاہ محمود

وزیر خارجہ شاہ محمود قریشی نے قومی اسمبلی میں انکشاف کیا کہ پی ڈی ایم کا استعفے دینے کا مطالبہ راتوں رات کیسے تبدیل ہوایہ راز کھولنا نہیں چاہتے ۔

عمرایوب نے کہا کہ میں مسلم لیگ نون کو 40 ہزار ووٹوں سے ہرا کر اسمبلی پہنچا ہوں، ان کی تقریر کے دوران اپوزیشن کے تمام ارکان نشستوں سے کھڑے ہوگئے اورایجنڈے کی کاپیوں سے ڈیسک بجا کر احتجاج کیا۔

انہوں نے اسمبلی میں بتایا کہ نیلم جہلم سرچارج مزید چند ماہ وصولی کے بعد ختم ہوگا۔

عمر ایوب کے بیٹھنے کے بعد اپوزیشن ارکان کا احتجاج ختم ہوا۔