آپ آف لائن ہیں
جمعہ3؍رمضان المبارک 1442ھ 16؍اپریل2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

حیدر آباد جلسے کی میزبان پیپلز پارٹی ہے، شازیہ مری


مرکزی سیکرٹری اطلاعات پیپلزپارٹی پارلیمنٹیرینز شازیہ مری کا کہنا ہے کہ حیدر آباد میں پاکستان ڈیموکریٹک موومنٹ (پی ڈی ایم) جلسے کی میزبان پیپلز پارٹی ہے۔

شازیہ مری نے جیو پاکستان میں گفتگو کرتے ہوئے کہا کہ پنڈال میں پچاس سے ساٹھ ہزار کرسیاں لگائی گئی ہیں اور میرے خیال میں یہ کرسیاں بھی کم پڑ جائیں گی۔

اُنہوں نے کہا کہ سیلیکٹڈ حکومت کی کارکردگی سے عوام پریشان ہیں، سینیٹ الیکشن کے لیے درخواستیں موصول ہو رہی ہیں۔

شازیہ مری نے مزید کہا کہ سینیٹ الیکشن کے لیے درخواستوں کا جائزہ لیا جا رہا ہے، اب تک سینیٹ الیکشن کے امیدوار فائنل نہیں کیےگئے۔

واضح رہے کہ حیدرآباد میں اپوزیشن اتحاد پی ڈی ایم کے جلسے کی تیاریاں، مختلف مقامات پر استقبالیہ کیمپ قائم کردیے گئے۔

شاہراہوں، عمارتوں کو پارٹی جھنڈوں اور قائدین کی تصاویر سے سجادیا گیا۔

پیپلزپارٹی کی میزبانی میں آج ہونے والے جلسے سے بلاول بھٹو زرداری، مولانا فضل الرحمٰن اور دیگر قائدین خطاب کریں گے۔

قومی خبریں سے مزید