PCB کی قومی کرکٹرز کو بیانات کے ذریعے تنازعات میں نہ پڑنے کی ہدایت

پاکستان کرکٹ بورڈ اور ٹیم مینجمنٹ نے محمد حفیظ اور سرفراز احمد کے بیانات کے معاملے پر گفتگو کرتے ہوئے قومی کرکٹرز کو بیانات کے ذریعے تنازعات میں نہ پڑنے کی ہدایت کی ہے۔

پی سی بی ذرائع کے مطابق ٹیم منیجر نے کرکٹرز سے بات کرکے معاملہ رفع دفع کرا دیا۔

ذرائع پی سی بی کا کہنا ہے کہ ٹیم مینجمنٹ اور پی سی بی عہدیداران قومی کرکٹرز کے بیانات پر ناخوش تھے۔

رضوان کو نمبر ون کہنے پر سرفراز احمد نے محمد حفیظ کو جواب دیدیا

پاکستان کرکٹ ٹیم کے سابق کپتان سرفراز احمد نے کہا ہے کہ حفیظ بھائی صاحب پاکستان کے لئے کھیلنے والے تمام کھلاڑی ملک کےلئے نمبر ون رہے اور اسی کےمطابق ان کی عزت کی جاتی ہے۔

واضح رہے کہ جنوبی افریقا کے خلاف لاہور میں کھیلے گئے پہلے ٹی ٹوئنٹی انٹرنیشنل میچ میں سنچری بنانے پر محمد حفیظ نے وکٹ کیپر بیٹسمین محمد رضوان کی تعریف کرتے ہوئے ٹوئٹر پر لکھا تھا کہ آپ چمکتے ہوئے ستارے ہو، حیرت ہے کہ آپ کو کب تک یہ ثابت کرنے کی ضرورت ہے کہ آپ تمام فارمیٹس میں پاکستان کے نمبر ون وکٹ کیپر بیٹسمین ہو۔

بابو آپ بھی پاکستان کے نمبر ون وکٹ کیپر ہیں، عامر کا سرفراز کے ٹوئٹ پر جواب

قومی کرکٹ ٹیم کے فاسٹ بولر محمد عامر کہتے ہیں کہ سرفراز احمد پاکستان کے نمبر ون وکٹ کیپر ہیں۔

محمد حفیظ کے اس ٹوئٹ پر سرفراز احمد نے کہا تھا کہ حفیظ بھائی پاکستان کے لیے جس نے بھی کھیلا امتیاز احمد، وسیم باری، تسلیم عارف سے لے کر سلیم یوسف اور معین خان، راشد لطیف سے لے کر کامران اکمل اور اب محمد رضوان تک سب پاکستان کے لیے نمبر ون رہے اور اسی کے مطابق ان کی عزت کی جاتی ہے۔