فرمان الہی
نماز کے اوقات
سیالکوٹ(آئی این پی)معاون خصوصی وزیر اعلیٰ پنجاب برائے اطلاعات ڈاکٹر فردوس عاشق اعوان نے کہا ہے کہ پی ڈی ایم مانگے تانگے کے کھلاڑیوں کی وہ ٹیم ہے جس کا اصل کپتان ریٹائر ہرٹ ہوکر لندن میں اور کوچ ان فٹ ھو کر لاڑکانہ جا بیٹھا ہے ۔ پی ڈی ایم کی ٹیم کو یہ بھی نہیں پتہ کہ کپتان عمران خان ٹاس جیت چکا ہے اور بیٹنگ یا فیلڈنگ کا فیصلہ جیتنے والا کپتان کرتا ہے۔ڈسکہ کی عوام نے مریم کو یہ پیغام دیا کہ ڈسکہ کسی ایک شاہ یا ڈبل شاہ کی جاگیر نہیں۔ ڈی سی آفس کمیٹی روم سیالکوٹ میں پُرہجوم پریس کانفرنس سے خطاب کرتے ہوئے انہوں نے کہا کہ وزیر اعلی عثمان بزدار صوبہ میں پسماندہ اضلاع کی ترقی کیلئے دن رات کوشاں ہیں بالخصوص جنوبی پنجاب کے پسماندہ علاقوں کی ضروریات کو مد نظر رکھتے ہوئے ترقیاتی منصوبے مکمل کررہے ہیں، جس کا عملی مظاہرہ وزیر اعلیٰ پنجاب عثمان بزدار کا چولستان کا حالیہ دورہ ہے ۔
