عمان: 15 دن پروازوں اور 10 ممالک کے مسافروں پر پابندی عائد

عمان نے کورونا وائرس کی صوتحال کے پیش نظر پروازیں 15 روز کے لیے معطل کرتے ہوئے 10 ممالک کے مسافروں پر پابندی عائد کر دی ہے۔

عرب میڈیا نے عمان کی سرکاری نیوز ایجنسی کے حوالے سے رپورٹ میں بتایا ہے کہ کورونا وائرس کے حوالے سے قائم ملک کی اعلیٰ کمیٹی نے سوڈان، لبنان، جنوبی افریقہ، برازیل، نائیجیریا، تنزانیہ، گھانا، گنی، سیرالیون اور ایتھوپیا کے مسافروں پر پابندی عائد کرنے کا فیصلہ کیا ہے۔

رپورٹ میں مزید کہا گیا ہے کہ پروازوں پر 15 روز کے لیے پابندی اور دو ہفتے کے لیے سفری پابندی کا اطلاق جمعرات سے ہوگا۔