ایران میں مردہ خاتون بھی پھانسی چڑھ گئی

24 فروری ، 2021

ایران میں سزائے موت سے قبل دل کا دورہ پڑنے سے انتقال کر جانے والی خاتون زہرہ اسماعیلی کو پھانسی دے دی گئی ہے۔

غیر ملکی میڈیا رپورٹس کے مطابق 42 سالہ زہرہ اسماعیلی کو اپنے شوہر کے قتل کے جرم میں سزائے موت دی گئی تھی، زہرہ اسماعیلی کو شرعی قانون قصاص کے تحت سزائے موت دی گئی۔

رجائی شہر کی بدنام زمانہ جیل میں زہرہ اسماعیلی کے ساتھ16 دیگر افراد کو بھی پھانسی دی گئی ہے۔ ایران سزائے موت دینے والے ممالک میں دوسرے نمبر پر ہے لیکن ایک ہی دن میں17 افراد کو پھانسیاں دینا عام بات نہیں۔

زہرہ اسماعیلی کے وکیل کے مطابق خاتون کو موت کے بعد بھی پھانسی پر لٹکایا گیا تاکہ اس کی ساس اسے تختہ دار پر لٹکا دیکھ سکیں۔

یہ بھی پڑھیے

زہرہ اسماعیلی پر الزام تھا کہ انہوں نے انٹلیجنس کے اہلکار اپنے شوہر کو قتل کیا ، شوہر نے مبینہ طور پر ملزمہ اور اپنی بیٹی کے ساتھ بدسلوکی کی تھی۔

زہرہ کے وکیل امید مرادی نے اپنی سوشل میڈیا پوسٹ میں کہا کہ ان کی موکلہ کی سزا سے قبل ہی دل کا دورہ پڑنے سے موت واقع ہو گئی تھی لیکن پھر بھی ان کی بے جان لاش کو پھانسی پر لٹکا دیا گیا ، تاہم کچھ ہی دیر بعد ان کی یہ فیسبک پوسٹس ڈیلیٹ ہوگئیں۔

تازہ ترین