آپ آف لائن ہیں
ہفتہ26؍شعبان المعظم 1442ھ 10؍اپریل 2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

لاہورویسٹ مینجمنٹ کا بورڈ تحلیل، 3 ممبران مستعفی

لاہور میں صفائی کی صورتحال بہتر نہ ہوسکی، لاہور ویسٹ مینجمنٹ کا بورڈ تحلیل ہوگیا، تین ممبران نے استعفا دے دیا۔

لاہور ویسٹ مینجمنٹ کا بورڈ تحلیل کردیا گیا جبکہ لاہور کی صفائی کے لیے نئی صفائی کمپنی کے انتخاب میں مزید تاخیر کا امکان ہے۔

ایل ڈبلیو ایم سی کے استعفی دینے والے تین ممبران میں  محمد اطہر طاہر، تفویکلُ وکیل اور غنضفر عباس شامل ہیں۔

واضح رہے کہ چئیرمین ایل ڈبلیو ایم سی پہلے ہی استعفی دے چکے ہیں جبکہ 9 میں سے 4 ارکان کے استعفی کے بعد بورڈ کوئی فیصلہ نہیں کرسکتا۔

دوسری جانب لاہور ویسٹ مینجمنٹ انتظامیہ کا کہنا ہے کہ شہر میں روزانہ 5 ہزارٹن کچرا جمع ہوتا ہے، گزشتہ روز 3 ہزار ٹن کچرا اٹھایا گیا تھا، آج شہر کا ٹوٹل کچرا 7 ہزار ٹن ہو گیا، نئی صفائی کمپنی سے معاہدے کی بات چیت جاری ہے۔

قومی خبریں سے مزید