اسلام آباد(جنگ نیوز) راولپنڈی اسلام آباد سٹیزن فورم کا اجلاس ہوا، اجلاس سے خطاب کرتے ہوئے عہدیدارنےکہا کہ پسماندہ علاقوں کی سڑکیں بھی پختہ کی جائیں۔انہوں نے کہا آئی جے پی روڈ، فقیر ایپی روڈ،آئی ٹین، آئی نائن،سبزی منڈی اورقریبی علاقوں کی سڑکیں ٹوٹی پھوٹی ہیں، کوئی پرسان حال نہیں۔ اجلاس سے خطاب کرتے ہوئے صدرایم آئی خان نے کہا راولپنڈی اسلام آبادکی آبادی کئی گناہ بڑھ چکی ہے مزیدہسپتال قائم کرنے کے ساتھ موجودہ ہسپتالوں میں گنجائش بھی بڑھانے کی ضرورت ہے۔انھوں نے کہا پوش علاقوں کے چند پارکوں کو چھوڑ کرپسماندہ علاقوں کے پارکس کی حالت زار پرکوئی توجہ نہیں دی جارہی۔ انہوں نے کہا سی ڈی اے اوردیگرمتعلقہ ادارے مسائل کے حل میں کرداراداکریں۔
فرمان الہی
نماز کے اوقات
