ملتان (سٹاف رپورٹر) ضلع ملتان میں 60 سال اور اس سے زائد عمر کے افراد کی کورونا ویکسی نیشن جاری ہے۔قائم مقام ڈپٹی کمشنرملتان کو ویکسی نیشن بارے ڈی ایچ او ڈاکٹر محمد علی مہدی نے گزشتہ روز بریفنگ دیتے ہوئے بتایا کہ مہم کے دوران ابتک 728 افراد کی کورونا ویکسی نیشن کر دی گئی ہے۔ویکسی نیشن کے لئے ضلع میں تین سنٹر قائم کئے گئے ہیں۔ملتان میں ڈسٹرکٹ ہیلتھ ڈویلپمنٹ سنٹر میں کورونا ویکسی نیشن قائم کیا گیا ہے جبکہ گورنمنٹ ہائی سکول شجاع آباد اور ڈی ڈی ایچ او آفس جلالپور پیر والہ میں بھی سنٹر قائم کئے گئے ہیں، علاوہ ازیں ریڈکریسنٹ ہسپتال گلگشت میں سنٹر قائم کرنے کی تیاریاں جاری ہیں۔
فرمان الہی
نماز کے اوقات
