کوئی کام نہیں، میں تو خود گھر پر بیٹھا ہوں، کپل شرما کا فین کو جواب

بھارتی ٹی وی کامیڈین اور اداکار کپل شرما نے اُن کے ساتھ کام کرنے کے خواہشند ایک پرستان کو دلچسپ جواب دیا ہے۔ اور کہا کہ وہ اس وقت اپنے گھر میں بیٹھے ہیں اور کوئی کام نہیں کررہے ہیں۔

کپل شرما کے ایک پرستار نے ان سے اس خواہش کا اظہار کیا تھا کہ وہ ان کے ساتھ کام کرنا چاہتے ہیں، لہٰذا انھیں کام کا موقع دیا جائے۔ جس پر کپل نے کہا کہ میں تو خود گھر پر بیٹھا ہوں بھائی۔

کپل شرما نے یہ بات منگل کی شام ٹوئٹر پر ’آسک می اینی کوئسچن‘ سیشن (مجھ سے کوئی بھی سوال کریں) کے دوران کیا۔

واضح رہے کہ کپل شرما شو اس سال فروری سے بند ہے اور امکان ہے کہ یہ شو مئی سے دوبارہ چھوٹی اسکرین پر دیکھا جاسکے گا۔