کراچی: پورٹ قاسم سے تشدد زدہ لاش برآمد

کراچی کی دوسری بندرگاہ پورٹ قاسم کے مین گیٹ پر کھڑے آئل ٹینکر کے نیچے سے 1 شخص کی لاش ملی ہے۔

کورنگی ندی سے بچے کی لاش کی باقیات برآمد، پولیس

پولیس کا کہنا ہے کہ اغوا میں ملوث ملزم کی نشاندہی پر بچے کی لاش کا ڈھانچہ ملا، 7 سال کے بچے کو 20 روز قبل بلال کالونی سے اغوا کیا گیا تھا۔

ریسکیو ذرائع کے مطابق پورٹ قا سم کے مین گیٹ کے قریب سے برآمد ہونے والی لاش تشدد زدہ ہے، مقتول کے جسم پر تشدد کے نشانات پائے جاتے ہیں۔

ریسکیو ذرائع نے بتایا ہے کہ مذکورہ لاش کو چھیپا ایمبولینس کے ذریعے جناح اسپتال منتقل کیا گیا ہے جہاں اس کا پوسٹ مارٹم ہو گا تاکہ موت کا سبب پتہ چل سکے۔

ریسکیو ذرائع کا یہ بھی کہنا ہے کہ مذکورہ لاش کی شناخت 40 سالہ اعظم علی ولد پیر محمد عمرکے نام سے ہو گئی ہے۔