• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

فلم ’3 ایڈیٹس‘ کا فرحان کورونا سے صحتیاب

بالی ووڈ کی مقبول ترین فلم ’3 ایڈیٹس‘ میں فرحان کا کردار ادا کرنے والے  اداکار رنگاناتھ مدھاون نے اپنے ساتھی اداکار عامر خان سے پہلے کورونا وائرس کو شکست دے دی۔

رنگاناتھ مدھاون نے اپنے تصدیق شدہ ٹوئٹر اکاؤنٹ پر جاری کیے گئے پیغام میں بتایا کہ ’اُن کا کورونا وائرس ٹیسٹ منفی آگیا ہے۔‘

بالی ووڈ اداکار نے اپنے مداحوں سے مخاطب ہوتے ہوئے کہا کہ ’آپ سب کی دُعاؤں سے میری والدہ اور مجھ سمیت ہمارے گھر کے تمام افراد کا کورونا وائرس ٹیسٹ منفی آگیا ہے۔‘

اُنہوں نے کہا کہ ’گھر میں ہی تمام احتیاطی تدابیر اختیار کرتے ہوئے ہم نے اس انفیکشن سے چھٹکارا پالیا ہے۔‘

رنگاناتھ مدھاون نے مزید کہا کہ ’اب میں اور میرے اہلخانہ بالکل تندرست ہیں۔‘ 

واضح رہے کہ رنگاناتھ مدھاون سے قبل  فلم ’3 ایڈیٹس‘  میں مرکزی کردار ادا کرنے والے بھارتی اداکار عامر خان بھی کورونا وائرس کا شکار ہوگئے تھے تاہم ابھی تک اداکار کی صحت سے متعلق کوئی خبر سامنے نہیں آئی ہے۔

اس سے قبل بھی بالی ووڈ کے کئی فنکار کورونا وائرس کا شکار ہوچکے ہیں جن میں عالیہ بھٹ، رنیبر کپور، فاطمہ ثنا شیخ، سنی دیول، امیتابھ بچن، ابھیشیک بچن، کارتک آریان، بپی لہری اور اکشے کمار سمیت دیگر شامل ہیں۔

انٹرٹینمنٹ سے مزید