شاہ رخ خان نے خود کو قرنطینہ کرلیا

بالی ووڈ کنگ شاہ رخ خان نے اپنی نئی آنے والی فلم ’پٹھان‘ کے عملے کا کورونا وائرس ٹیسٹ مثبت آنے پر خود کو قرنطینہ کرلیا۔

بھارتی میڈیا رپورٹس کے مطابق بالی ووڈ اسٹار شاہ رخ خان کی نئی آنے والی فلم ’پٹھان‘ کی شوٹنگ کے دوران کچھ ٹیم ممبران کے کورونا وائرس ٹیسٹ کیے گئے جن کے نتائج مثبت آئے ہیں۔

ٹیم کے عملے کے چند ممبران کے کورونا وائرس ٹیسٹ مثبت آنے پر یشراج پروڈکشن میں بننے والی فلم ’پٹھان‘ کی شوٹنگ روک دی گئی ہے۔

شاہ رخ خان کی فلم پٹھان میں حلیے کی جھلک سامنے آگئی

ممبئی(مانیٹرنگ ڈیسک) اس خبر نے ہی بولی وڈ اداکار...

دوسری جانب فلم کے مرکزی کردار شاہ رخ خان نے احتیاط کے طور پر خود کو قرنطینہ کرلیا ہے۔

واضح رہے کہ شاہ رخ خان بالآخر 2 سال بعد فلم ’پٹھان‘ کے ذریعے انڈسٹری میں واپس آ رہے ہیں۔

بھارتی میڈیا رپورٹس کے مطابق فلم ’پٹھان‘ میں اداکار جان ابراہم اور دیپیکا پڈوکون اہم کرداروں میں نظر آئیں گے جبکہ سلمان خان بھی ایک مختصر کردار نبھائیں گے۔

شاہ رخ خان اور سلمان خان ایک بار پھر اسکرین پر ساتھ نظر آئیں گے؟

ماضی میں بالی وڈ کی کئی مقبول ترین فلموں میں ایک ساتھ جلوہ گر ہونے والے بھارتی فلم اسٹار شاہ رخ خان اور سلمان خان ایک بار پھر بڑی اسکرین پر ساتھ نظر آنے والے ہیں۔

خیال رہے کہ بالی ووڈ کے کئی فنکار کورونا وائرس کا شکار ہوچکے ہیں جن میں عالیہ بھٹ، رنیبر کپور، فاطمہ ثنا شیخ، سنی دیول، امیتابھ بچن، ابھیشیک بچن، کارتک آریان، بپی لہری، رنگاناتھ مدھاون اور اکشے کمار سمیت دیگر شامل ہیں۔