کراچی: گٹکا بیچنے والا لڑکی سے زیادتی کرتے گرفتار

15 اپریل ، 2021

کراچی کے علاقے سرجانی ٹاؤن سے پولیس نے 16 سالہ لڑکی کے ساتھ زیادتی میں ملوث ملزم کو گرفتار کر لیا ہے، ملزم گٹکے اور ماوے کی تیاری اور فروخت کا کام کرتا ہے۔

پولیس کے مطابق سرجانی ٹاؤن سے 16 سالہ لڑکی کے ساتھ مبینہ زیادتی کے الزام میں عمیر نامی ملزم کو گرفتار کر لیا گیا ہے۔

ملزم کے خلاف سرجانی ٹاؤن تھانے میں لڑکی کے والد کی مدعیت میں مقدمہ درج کر لیا گیا ہے۔

دورانِ تفتیش ملزم نے بتایا کہ وہ گٹکے اور ماوے کی تیاری اور فروخت کا کام کرتا ہے، سرجانی ٹاؤن کے مختلف گھروں کو گٹکے کی تیاری کے سلسلے میں استعمال کرتا ہے۔

ملزم عمیر کا اپنے گٹکے اور ماوے کی تیاری کے سلسلے میں متاثرہ لڑکی کے گھر آنا جانا تھا، ملزم عمیر نے پہلی بار متاثرہ لڑکی سے زیادتی کی تو اس نے ڈر کے مارے کسی کو نہیں بتایا۔

یہ بھی پڑھیے

واقعے کے روز آدھی رات کو ملزم چوری چھپے گھر میں گھس آیا اور زبردستی لڑکی کو زیادتی کا نشانہ بنایا تو لڑکی کے اہلِ خانہ جاگ گئے۔

لڑکی نے اپنے گھر والوں کو بتایا کہ ملزم اس سے قبل بھی اس سے زبردستی زیادتی کر چکا ہے، ملزم کو تشدد کے بعد پولیس کے حوالے کر دیا گیا۔

تازہ ترین