کرکٹر حسن علی کا اہلیہ کی سالگرہ پر محبت بھرا پیغام

16 اپریل ، 2021

قومی کرکٹ ٹیم کے فاسٹ بولر حسن علی نے اہلیہ سامعہ خان کی سالگرہ کے موقع پر محبت بھرا پیغام شیئر کرتے ہوئے کہا کہ سامعہ کا میری زندگی میں شامل ہونا میری ایک بڑی خوش قسمتی ہے۔

سوشل میڈیا سائٹس پر جاری پیغامات میں حسن علی نے اہلیہ کے ہمراہ یادگار تصویر شیئر کی، اور سامعہ کو سالگرہ کی مبارکباد دی۔

انہوں نے لکھا کہ ’میری پیاری ، خوبصورت بیوی کو سالگرہ بہت مبارک ہو، آپ میرے دل کے قریب ہیں اور ہر دلعزیز شخصیت ہیں۔‘

حسن علی نے اہلیہ کو مخاطب کرتے ہوئے لکھا کہ ’میں ہر دن آپ کی محبت میں گزارتا ہوں، آپ ایک حیرت انگیز عورت ہیں، میں خوش قسمت آدمی ہوں کہ آپ میری زندگی میں شامل ہیں۔‘

واضح رہے کہ 20 اگست 2019 کو حسن علی بھارتی دوشیزہ سامعہ آرزو کے ساتھ رشتہ ازدواج میں منسلک ہوئے تھے۔ جوڑے نے حال ہی میں اپنے گھر نئے مہمان کی آمد کی خوشخبری سنائی تھی۔

یہ بھی پڑھیے

سامعہ آرزو متحدہ عرب امارات میں مقیم ہیں لیکن وہ گوجرانوالہ بھی آتی رہتی ہیں۔

یاد رہے کہ حسن علی کی اہلیہ سامعہ آرزو کا تعلق بھارتی ریاست ہریانہ سے ہے، انہوں نے مانو رچنا یونیورسٹی سے ایرو ناٹکس کی ڈگری حاصل کر رکھی ہے۔