حنا خان کو خوبصورتی پر مداح کی جانب سے دلچسپ دھمکی

بھارتی اداکارہ حنا خان کو ان کی خوبصورتی پر مداح کی جانب سے دلچسپ دھمکی مل گئی۔ 

بھارتی میڈیا رپورٹس کے مطابق حنا خان نے فوٹوز اینڈ ویڈیو شیئرنگ ایپ انسٹاگرام کا سہارا لیتے ہوئے اپنے مداحوں سے سوالات و جوابات کا سیشن رکھا۔ 

سیشن اس وقت ایک دلچسپ موڑ اختیار کرگیا جب ان کے ایک مداح نے ان کی خوبصورتی کے اوپر ان کے خلاف کیس دائر کرنے کا کہا۔ 

اس مداح نے اپنے پیغام میں الزام عائد کیا کہ حنا خان اپنی خوبصورتی سے سب کو مارنے کا منصوبہ بنارہی ہیں۔ 

اس نے لکھا کہ میں آپ پر کیس کروں گا، آپ کی خوبصورتی ہمیں مار ڈالے گی۔ 

بات یہیں ختم نہیں ہوتی، بلکہ حنا خان نے ہنسی کی ایموجیز کے ساتھ اپنے مداح کو کہا کہ ’کر دیجیے گا‘۔