کووڈ بحران، غذائی قلت کے شکار افراد 13 کروڑ 20 لاکھ کا اضافہ

کراچی ( رفیق مانگٹ) کووڈ 19بحران نے دنیا بھر میں پہلے سے غذائی قلت کے شکار 69کروڑ(690 ملین) افراد میں تیرہ کروڑ بیس لاکھ افراد کا مزید اضافہ کردیا۔کووڈ کی وجہ سے غذائی تحفظ اور غذائیت سے متعلق عالمی اہداف پورا کرنے کے امکانات پر سوالیہ نشان لگ گئے، آبادی اور ترقی کے بارے میں اقوام متحدہ کے کمیشن کے 54 اجلاس میں تبادلہ خیال ہورہا ہے۔ کمیشن کا اجلاس 19 سے 23 اپریل تک جاری رہے گا۔ شرکاء آبادی، خوراک کی حفاظت، غذائیت اور پائیدار ترقی کے مابین باہمی رابطوں کا جائزہ لیں گے۔