• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

این اے 249 کا ضمنی انتخاب مقررہ تاریخ پر ہی ہوگا، الیکشن کمیشن

تازہ ترین
قومی خبریں
26 اپریل ، 2021
این اے 249 کا ضمنی انتخاب اپنی مقررہ تاریخ پر ہی ہوگا، الیکشن کمیشن

کراچی میں ہونے والا قومی اسمبلی کے حلقے این اے 249 کا ضمنی انتخاب اپنی مقررہ تاریخ پر ہی ہوگا، صوبائی الیکشن کمشنر اور کمشنر کراچی نے مشترکہ پریس کانفرنس کے دوران فیصلہ سنادیا۔

صوبائی الیکشن کمشنر اور کمشنر کراچی نے  میڈیا سے گفتگو کرتے ہوئے کہا کہ این اے 249 میں ضمنی انتخابات کےحوالے سے میٹنگ ہوئی ہے، اجلاس میں قانون نافذ کرنے والے اداروں سمیت ہیلتھ ڈپارٹمنٹ کے ذمہ داران نے شرکت کی۔

این اے 249: مفتاح اسماعیل اور امجد آفریدی کے ایک دوسرے پر الزامات

پاکستان مسلم لیگ ن کے رہنما مفتاح اسماعیل کا کہنا تھا کہ پیپلزپارٹی اورپی ٹی آئی نے حلقے میں کوئی کام نہیں کیا۔

چیف الیکشن کمشنر سندھ اعجاز الحسن چوہان نے کہا کہ پر امن طور پر الیکشن کا عمل مکمل کیا جائے گا، ایس او پیز پر سختی سے عملدرآمد کروایا جائے گا، ہم نے اپنی تیاری مکمل کرلی ہے، حلقے کے عوام بھی ایس او پیز کا خیال کریں۔

اعجاز الحسن چوہان نے کہا کہ الیکشن کمیشن پابند ہے کہ مقررہ وقت میں الیکشن کروائے۔

کمشنر کراچی نے کہا کہ تمام متعلقہ اداروں کی ذمہ داری ہے کہ الیکشن کے عمل میں اپنی ذمہ داری پوری کریں، کمشنر آفس میں میٹنگ رکھنے کا بنیادی مقصد تمام متعلقہ اداروں کو آن بورڈ لینا تھا۔

تازہ ترین