فرمان الہی
نماز کے اوقات
بھارت کے نامور صحافی اشیش سنگھ نے پاکستانیوں سے اپیل کی ہے کہ وہ کورونا سے نبردآزما اُن کے اہلِ خانہ کیلئے داتا دربار پر خصوصی دعا کریں۔
اشیش سنگھ نے ٹوئٹر پر جاری پیغام میں پاکستانیوں سے اپیل کی کہ وہ براہِ کرم داتا دربار جا کر اُن کی اہلیہ سوچیکا اور کورونا میں مبتلا دیگر مریضوں کیلئے خصوصی دعائیں کریں۔
انہوں نے کہا کہ اگر کوئی داتا دربار جا کر اُن کا یہ کام کرنے کیلئے راضی ہے تو وہ دعا کیلئے مزید مریضوں کے نام بھی بھیج دیں گے۔
بھارتی صحافی نے لکھا کہ اگر کوئی ان کا یہ کام کرتا ہے تو اس کے شکرگزار رہیں گے۔
اپنے ایک اور ٹوئٹ میں انہوں نے پاکستان سے داتا دربار میں خصوصی دعا کا انتظام کروانے والوں کا شکریہ ادا کیا اور کہا کہ انہیں داتا صاحب پر پورا یقین ہے وہ ضرور کرم کریں گے۔
