پاکستان کا زمبابوے کیخلاف زیادہ تجربے نہ کرنے کا فیصلہ

پاکستان ٹیم مینجمنٹ نے زمبابوے کےخلاف پہلےٹیسٹ میں زیادہ تجربے نہ کرنے کا فیصلہ کیا ہے، جنوبی افریقہ سے ہوم ٹیسٹ سیریز جیتنے والی ٹیم میں ایک تبدیلی کا امکان ہے۔

ذرائع کے مطابق زمبابوے کے خلاف یاسر شاہ فٹنس مسائل کے باعث اسکواڈ میں شامل نہیں ہیں ان کی جگہ زاہد محمود کو موقع دیئے جانے کا امکان ہے۔

زمبابوے کیخلاف ٹیسٹ سیریز، قومی ٹیم کا طویل ٹریننگ سیشن

پاکستان اور زمبابوے کے درمیان پہلا ٹیسٹ جمعرات سے ہرارے میں شروع ہوگا۔

قومی ٹیم کی پلئینگ الیون میں بابر اعظم، عابد علی، عمران بٹ، اظہر علی، محمد رضوان ، فواد عالم، فہیم اشرف، حسن علی، زاہد محمود ، نعمان علی اور شاہین آفریدی کو شامل کیے جانے کا امکان ہے۔

واضح رہے کہ پاکستان اور زمبابوے کے درمیان دو ٹیسٹ میچز کی سیریز کا پہلا ٹیسٹ کل شروع ہوگا۔