• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

این اے 249 میں چند علاقے ایسے ہیں جہاں فائرنگ کروائی جاسکتی ہے، شاہد خاقان عباسی

تازہ ترین
قومی خبریں
28 اپریل ، 2021


سابق وزیراعظم شاہد خاقان عباسی نے کراچی کے ضمنی انتخاب میں دھاندلی کے خدشے کا اظہار کرتے ہوئے این اے 249 میں بھرپور سیکیورٹی فراہم کرنے کا مطالبہ کردیا، اُن کا کہنا ہے کہ حلقے کے چند علاقے ایسے ہیں جہاں فائرنگ کروائی جاسکتی ہے۔

کراچی میں پریس کانفرنس کرتے ہوئے شاہد خاقان عباسی نے کہا مختلف پولیس اسٹیشنز پر اسٹاف تبدیل کیا جارہا ہے۔

شاہد خاقان عباسی نے سندھ حکومت پر بھی تنقید کرتے ہوئے کہا کہ نون لیگ کی سیاسی قوت سے خوفزدہ ہوکر الیکشن سے قبل حلقے میں ترقیاتی کام کروائے گئے۔

انہوں نے کہا کہ تمام باتیں الیکشن کمیشن کے نوٹس میں لے آئے ہیں۔

این اے 249 کا ضمنی انتخاب، پریزائیڈنگ افسران کو مجسٹریٹ کے اختیارات دیدیئے گئے

سید ندیم حیدر نے کہا کہ سیاسی جماعتوں کو پولنگ اسٹیشن کے 400میٹر سے باہر کیمپ لگانے کی اجازت ہوگی، پولنگ اسٹیشن کے اندر موبائل فون کا استعمال ممنوع ہوگا، پولنگ ایجنٹس بھی فون استعمال نہیں کرسکیں گے۔

 شاہد خاقان عباسی نے کہا ہے کہ پیپلز پارٹی نے 13 سال سے کوئی کام نہیں کیا ہے اور جو پارٹی ایک حلقے کے مسائل حل نہیں کرسکی وہ ملک کے مسائل کیسے حل کریگی۔

انہوں نے کہا کراچی میں کل ہونے والے ضمنی الیکشن میں آٹا اور چینی مہنگی کرنے والوں کو ووٹ نہیں ملیں گے۔

رہنما مسلم لیگ ن نے کہا کہ پولینگ ایجنٹس کو موبائل فون رکھنے کی اجازت ہونی چاہیے۔ چند پولنگ اسٹیشنزز پر دھاندلی ہونے کا خدشہ ہے، مہاجر کیمپ رانگڑ محلہ اور چند علاقوں میں حالات خراب کروائے جاسکتے ہیں۔

تازہ ترین