خوازہ خیل قومی جرگے کے کورونا ضوابط سے متعلق اہم فیصلے

خوازہ خیل قومی جرگہ نے کورونا ضوابط (ایس او پیز) سے متعلق اہم فیصلے کرلیے، عید سادگی سے منائی جائے اور نمازِ جنازہ میں بھی محدود افراد شرکت کریں۔

چارسدہ میں خوازہ خیل قومی جرگہ نے کورونا ایس او پیز سے متعلق مشترکہ پریس کانفرنس کی، جس میں اتمانزئی کے 8 مختلف اقوام کے نمائندوں نے شرکت کی۔

جرگے میں فیصلہ کیا گیا کہ کورونا کے باعث نماز جنازہ میں محدود افراد شرکت کریں گے، کورونا وباء کے باعث عید سادگی سے منائیں گے اور چھوٹے بڑے اجتماعات نہیں کریں گے۔

خوازہ خیل قبائل کے مطابق لاک ڈاون سے متاثرہ غریب خاندانوں کی مدد کی جائے گی، ایس او پیز کی خلاف وزری کرنے والوں کا سوشل بائیکاٹ ہوگا۔