جدہ پر حملے کی کوشش ناکام بنادی، سعودی وزارت دفاع

01 مئی ، 2021

سعودی وزارت دفاع نے اعلان کیا ہے کہ جدہ پر حملے کی کوشش کی گئی تاہم دشمن کے فضائی ہدف کو تباہ کردیا ہے۔

عرب میڈیا رپورٹ کے مطابق سعودی عرب میں ہفتے کی صبح ساحلی شہر جدہ پر حملے کی کوشش ناکام بنادی گئی اور سعودی عرب کا ساحلی شہر بڑی تباہی سے محفوظ رہا ہے۔

عرب میڈیا کی رپورٹ کے مطابق وزارت دفاع نے اس حوالے سے بیان جاری کیا ہے، جس میں کہا گیا کہ ’ایک غیر متعین دشمن کے جدہ کی سمت فضائی ہدف کو راستے میں روک کر تباہ کردیا گیا‘۔

یہ بھی پڑھیے

وزارت دفاع کے بیان میں واقعے کی تفصیلات موجود نہیں اور نہ ہی حملہ آور ملک یا گروہ کی جانب کوئی اشارہ ہے۔

واضح رہے کہ وزارت دفاع نے منگل کو بحیرہ احمر میں حوثیوں کی دھماکہ خیز ریمونٹ کنٹرول کشتی کوسٹ گارڈز کے ذریعے تباہ کرنے کا اعلان کیا تھا۔

تازہ ترین