فرمان الہی
نماز کے اوقات
سکھر (چوہدری محمد ارشاد ) پیپلزپارٹی کے مرکزی اسیر رہنما سید خورشید احمد شاہ بھی کورونا وائرس کا شکار ہوگئے۔ سید خورشید احمد شاہ کی کورونا رپورٹ مثبت آگئی۔
شاہ ہاوس ذرائع کے مطابق پیپلز پارٹی کے رہنما سید خورشید احمد شاہ اور ان کے چھوٹے صاحبزادے سید زیرک شاہ کی بھی کورونا رپورٹ مثبت آئی ہے۔ سید خورشید احمد شاہ تین روز سے بھتیجے کے انتقال کے باعث پے رول پر رہا ہیں تاہم کورونا رپورٹ مثبت آنے کے بعد سید خورشید احمد شاہ ایک روز قبل ہی اپنی رہائش گاہ سے این آئی سی وی ڈی اسپتال منتقل ہوگئے ہیں۔ سید خورشید احمد شاہ کا بھتیجا سید عدیل شاہ تین روز قبل کورونا وائرس کے باعث کراچی کے نجی اسپتال میں انتقال کرگیا تھا۔
جس کی وجہ سے سید خورشید احمد شاہ کو 48 گھنٹے پے رول پر رہائی دی گئی اور پے رول میں مزید 48 گھنٹوں کا اضافہ کیا گیا سید خورشید احمد شاہ کی پے رول پر رہائی کا ٹائم آج پیر کی شب تک تھا لیکن کورونا کی رپورٹ مثبت آنے کے بعد سید خورشید احمد شاہ ایک روز قبل ہی این آئی سی وی ڈی اسپتال منتقل ہوگئے ہیں۔
