پاکستان کا وسطی ایشیائی ممالک کے ساتھ تجارت کے نئے دور کا آغاز
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان کا وسطی ایشیائی ممالک کے ساتھ تجارت کے نئے دور کا آغاز

پاکستان کا وسطی ایشیائی ممالک کے ساتھ تجارت کے نئے دور کا آغاز ہوگیا، اس حوالے سے وزیراعظم کے مشیرِ تجارت عبدالرزاق داؤد نے بتایا کہ پہلی بار ٹی آئی آر سسٹم کے تحت کراچی سے ٹرک ازبکستان پہنچ گیا۔

مشیر تجارت کا کہنا تھا کہ پہلی کھیپ 48 گھنٹے میں پاکستان سے تاشقند پہنچی ہے۔

عبدالرزاق داؤد نے کہا کہ ہم پاکستان کو تجارت، ٹرانزٹ اور نقل و حرکت کا مرکز بنانا چاہتے ہیں۔

ان کا کہنا تھا کہ پائیدار تجارتی تعلقات کیلئے تجارتی پارٹنرز کے ساتھ روابط بہت اہم ہیں، پاکستان اپنی بین الاقوامی تجارت کے فروغ کے لیے اپنے جیو اقتصادی موقع کا فائدہ اٹھائے گا۔

عبدالرزاق داؤد نے کہا کہ افغانستان، ازبکستان کے ساتھ موجودہ تعلقات اس وژن پر عملدرآمد کی جانب اہم قدم ہے۔

ازبکستان جانے والے تجارتی سامان سے متعلق وزارتِ تجارت نے کہا کہ تجارتی سامان میں ہربل میڈیسن وغیرہ شامل ہیں۔

قومی خبریں سے مزید