وزیراعظم 3روزہ دورے پر سعودی عرب پہنچ گئے

وزیراعظم عمران خان کے معاونِ خصوصی ڈاکٹر شہباز گل نے کہا ہے کہ وزیراعظم 3 روزہ دورے پر سعودی عرب پہنچ گئے ہیں۔

پی ٹی آئی رہنما نے کہا کہ وزیراعظم کی سعودی ولی عہد محمد بن سلمان سے ملاقات ہوگی۔ وزیراعظم عمران خان کو سعودی ولی عہد کی جانب سے عشائیہ دیا جائے گا۔

وزیراعظم کے ہمراہ وزیر خارجہ شاہ محمود قریشی، وزیر اطلاعات فواد چودھری، گورنر خیبر پختونخوا شاہ فرمان اور صوبائی وزیر خوراک عبدالعلیم خان بھی ہیں۔