عید پر ایس او پیز کی خلاف ورزی برداشت نہیں کی جائے گی: عثمان بزدار

وزیراعلیٰ پنجاب عثمان بزدار نے کہا ہے کہ عید کی تعطیلات میں کورونا ایس او پیز کی خلاف ورزی برداشت نہیں کی جائے گی، عوام کو احتیاط کا دامن تھام کر کورونا کے ساتھ جینا سیکھنا ہوگا۔

عثمان بزدار نے کورونا ایس او پیز پر سختی سے عملدر آمد کرانے کا حکم دیتے ہوئے کہا کہ کورونا وائرس کا پھیلاؤ روکنے کے لیے عوام کا تعاون نہایت اہم ہے۔

لاہور: عید کے پہلے روز کورونا ایس او پیز کی خلاف ورزی پر 66 مقدمات درج

لاہور میں عید کے پہلے روز کورونا ایس او پیز کی خلاف ورزی پر 66مقدمات درج کیے گئے جبکہ 87 افراد کوحراست میں لیا گیا۔

اُنہوں نے کہا کہ عوام ایس او پیز کی مسلسل پابندی کریں کیونکہ سماجی فاصلہ برقرار رکھنے میں ہی عافیت ہے۔

عثمان بزدار کا مزید کہنا تھا کہ انتظامی اقدامات کے ذریعے کورونا ایس او پیز پر عملدرآمد یقینی بنایا جائے گا۔