فرمان الہی
نماز کے اوقات
وزیراعظم عمران خان کے معاون خصوصی برائے سیاسی روابط شہباز گل نے کہا ہے کہ اس بار تو چل میں آیا والا کھیل نہیں کھیلنے دیں گے۔
مسلم لیگ (ن) کی ترجمان مریم اورنگزیب کے بیان پر ردعمل دیتے ہوئے شہباز گل نے کہا کہ تو چل میں آیا والا کھیلنے والوں کا اب احتساب ہوگا۔
انہوں نے ن لیگی ترجمان کو مخاطب کرتے ہوئے کہا کہ مریم اورنگزیب صاحبہ یہ پاکستان ہے، بنانا ری پبلک نہیں ہے۔
شہباز گل نے مزید کہا کہ پہلے جھوٹ بول کر 50 روپے کے اسٹیمپ پیپر پر بھائی کو بھگاؤ پھر خود بھاگنے کے لئے راتوں رات کوشش کرو۔
ان کا کہنا تھا کہ اس بار ’تو چل میں آیا‘ والا کھیل نہیں کھیلنے دیں گے، اس بار احتساب ہوگا۔
وزیراعظم کے معاون خصوصی نے یہ بھی کہا کہ شہباز شریف کا علاج تو اب پاکستان کے اِن ہی اسپتالوں میں ہوگا، جو پچھلے 35 سال میں آپ لوگوں نے بنائے ہیں۔
