ارجیت سنگھ کی والدہ برین اسٹروک سے چل بسیں

بالی ووڈ کے مقبول ترین اور عالمی شہرت یافتہ گلوکار و موسیقار ارجیت سنگھ کی والدہ برین اسٹروک (دماغی فالج) کے باعث چل بسیں۔

بھارتی میڈیا رپورٹس کے مطابق گلوکار ارجیت سنگھ کی والدہ کا کورونا وائرس ٹیسٹ مثبت آگیا تھا جس کے بعد اُنہیں علاج کے لیے اسپتال منتقل کردیا گیا تھا۔

رپورٹس کے مطابق کورونا وائرس کا ٹیسٹ مثبت آنے کے بعد ارجیت سنگھ کی والدہ کا گزشتہ تین ہفتوں سے کلکتہ کے ایک اسپتال علاج جاری تھا۔

بھارتی میڈیا نے بتایا کہ اسپتال میں علاج کے بعد جب دو روز قبل ارجیت سنگھ کی والدہ کا دوبارہ کورونا وائرس ٹیسٹ کیا گیا تو اُس کے نتائج منفی آئے لیکن اُن کی والدہ کی طبیعت بہتر نہ ہوسکی۔

اسپتال انتظامیہ شوہر کی صحت سے متعلق غلط معلومات دیتی رہی: راہول ووہرا کی اہلیہ

کورونا وائرس سے 9 مئی کو چل بسنے والے بھارتی اداکار اور سوشل میڈیا اسٹار راہول ووہرا کی اہلیہ نے انصاف کی اپیل کرتے ہوئے کہا ہے کہ اسپتال انتظامیہ اُنہیں اُن کے شوہر کی صحت سے متعلق غلط معلومات دیتی رہی۔

رپورٹس میں بتایا گیا کہ کورونا وائرس نے ارجیت سنگھ کی والدہ کی دماغی صحت کو اس قدر مُتاثر کیا کہ اُنہیں برین اسٹروک (دماغی فالج) ہوگیا جس کی وجہ سے وہ گزشتہ روز دُنیا سے کوچ کرگئیں۔

واضح رہے کہ 3 ہفتے قبل بھارتی ہدایتکار سرجیت مکھرجی اور سواستیکا مکھرجی نے سوشل میڈیا پر اپنے ایک پیغام میں ارجیت سنگھ کی والدہ کے لیے خون کا عطیہ دینے کی اپیل بھی کی تھی۔

بھارتی اداکارہ نے والد کی موت کا ذمہ دار اسپتال انتظامیہ کو قرار دیدیا

بالی ووڈ اداکارہ سمبھاونہ سیٹھ نے اپنے والد کی موت کا ذمہ دار صرف کورونا وائرس کو نہیں بلکہ بھارتی اسپتال انتظامیہ کو بھی قرار دے دیا۔

سرجیت مکھرجی اور سواستیکا مکھرجی کے سوشل میڈیا پیغام کے بعد ہی ارجیت سنگھ کی والدہ کی طبیعت کے حوالے سے خبریں سامنے آئی تھیں۔