• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سیکرٹری لوکل گورنمنٹ اینڈ کمیونٹی ڈویلپمنٹ سائوتھ پنجاب ایک روزہ دورے پر ملتان پہنچ گئے

میرا شہر
ملتان
22 مئی ، 2021
ملتان (سٹاف رپورٹر ) سیکرٹری لوکل گورنمنٹ اینڈ کمیونٹی ڈویلپمنٹ ساوتھ پنجاب محمد الطاف بلوچ ایک روزہ دورے پر ملتان پہنچ گئے ، ملتان ڈویژن کے بلدیاتی اداروں کے تمام سی اوز، فنانس آفیسر ، ایم ڈی ویسٹ مینجمنٹ کمپنی فخر السلام ڈوگر، ایم ڈی واسا ناصر شہزاد، ایم ڈی کیٹل مارکیٹ مینجمنٹ کمپنی و سی او میٹرو پولیٹن کارپوریشن چوہدری شفیق، سی او ضلع کونسل اقبال خان سمیت دیگر سی اوز کا اجلاس طلب کیا ، اجلاس کی صدارت سیکرٹری لوکل گورنمنٹ اینڈ کمیونٹی ڈویلپمنٹ ساوتھ پنجاب محمد الطاف بلوچ نے کی۔ اجلاس سے خطاب کرتے ہوئے سیکرٹری لوکل گورنمنٹ اینڈ کمیونٹی ڈویلپمنٹ جنوبی پنجاب محمد الطاف بلوچ نے کہا ہے کہ واسا ملتان سیوریج کی درستگی کیلئے ہنگامی بنیادوں پر اقدامات کرے جبکہ ویسٹ مینجمنٹ کمپنی ملتان شہر کو صاف کیلئے ہر ممکن اقدامات کرے اور تمام وسائل بروئے کار لائے جائیں ، صفائی کی صورتحال بہتر نہ ہونے کی ذمہ داری افسران پر عائد ہوگی، سیکرٹری لوکل گورنمنٹ جنوبی پنجاب نے میٹرو پولیٹن کارپوریشن ملتان دفتر کا معائنہ کیا اور مختلف برانچوں کے ملازمین کی کارکردگی چیک کی۔ سی او میٹرو پولیٹن و ایم ڈی کیٹل مارکیٹ نے میونسپل کارپوریشن ملتان اور سی او تحصیل کونسل اقبال خان اور ایکسئن لوکل گورنمنٹ ملتان خلیل کھوسہ نےملتان ڈویژن میں جاری ترقیاتی سکیموں بارے بریفینگ دی۔
تازہ ترین