باکسر عامر خان نے کینسر کی شکار اپنی والدہ کیلئے دُعاؤں کی اپیل کردی

پاکستانی نژاد برطانوی باکسر عامر خان نے لبلبے کے کیسنر کی شکار اپنی والدہ کیلئے دُعاؤں کی اپیل کی ہے۔

فوٹو اینڈ ویڈیو شیئرنگ ایپ انسٹاگرام پر عامر خان نے اپنی والدہ کے ہمراہ اپنی ایک یادگار تصویر شیئر کی ہے جس میں وہ دونوں ہی بےحد خوش نظر آرہے ہیں۔

عامر خان نے تصویر کے کیپشن میں مداحوں سے  اپیل کرتے ہوئے لکھا کہ ’براہِ کرم! میری والدہ فلک خان کے لیے خصوصی دعا کریں۔‘

اُنہوں نے کہا کہ ’لبلبے کے کیسنر کی شکار میری والدہ کا کل ایک بہت بڑا آپریشن ہے۔‘

باکسر عامر خان نے اُمید ظاہر کرتے ہوئے لکھا کہ ’میری دُعا ہے کہ میری والدہ بہت جلد کینسر کو شکست دے دیں گی۔‘

باکسر عامر خان کی والدہ میں کینسر کی تشخیص

پاکستانی نژاد برطانوی باکسر عامر خان کی والدہ لبلبے کے کینسر کا شکار ہوگئیں۔

عامر خان نے مزید لکھا کہ ’اس مشکل وقت میں خُدا میری والدہ کو طاقت دے۔‘

اُن کی اس پوسٹ پر اُن کے چاہنے والوں کی بڑی تعداد اُن کی والدہ کی جلد صحتیابی کے لیے دُعائیہ پیغامات جاری کررہی ہے۔

واضح رہے کہ رواں سال جنوری میں باکسر عامر خان نے بتایا تھا کہ اُن کی والدہ میں لبلبے کے کینسر کی تشخیص ہوئی ہے۔

اُنہوں نے کہا تھا کہ ’ڈاکٹرز کے مطابق میری والدہ اس وقت کینسر کے چوتھے اسٹیج پر ہیں۔‘

باکسر عامر خان نے اپنے گھر فلسطینی پرچم لگالیا

عالمی شہرت یافتہ کم عمر ترین باکسنگ چیمپیئن پاکستانی نژاد برطانوی باکسر عامر خان نے اپنے گھر کے بایر فلسطینی پرچم لگا لیا۔

باکسر عامر خان نے یہ بھی بتایا تھا کہ ’اُن کی والدہ خود کو بہتر اور مضبوط محسوس کر رہی ہیں۔‘

اُنہوں نے اپنے مداحوں سے دُعاؤں کی اپیل کرتے ہوئے کہا تھا کہ ’براہِ کرم میری والدہ کو اپنی دُعاؤں میں یاد رکھیں۔‘