ملتان(سٹاف رپورٹر)ملتان پولیس نے جرائم پیشہ عناصرکے خلاف کارروائی کرتےہوئے 5منشیات فروش، 11جواریوں، تیز رفتاری سے موٹرسائیکل چلانے والے اور11اشتہاروں سمیت30ملزمان گرفتارکرلئے۔ملزموں سے18لیٹر شراب ،1250 گرام چرس،106گرام ہیروئن، زرجواء 6860 روپے پسٹل معہ 5گولیاں برآمدہوئیں۔ ۔ پولیس تھانہ کوتوالی نے ملزم ذیشان سے 1140گرام چرس اور ملزم عبدالستار سے 110گرام چرس،پولیس تھانہ بوہڑ گیٹ نے ملزم عمران شاہ سے 08لیٹر شراب،پولیس تھانہ شاہ شمس نے ملزم محمد سجاد سے 10لیٹر شراب جبکہ پولیس تھانہ کینٹ ملزم محمد عارف سے 106گرام ہیروئن برآمد کر کے مقدمات درج کر لئے۔ پولیس تھانہ قادر پور راں نے ملزم آصف سے پسٹل معہ 5گولیاں برآمد کر کے مقدمہ درج کر لیا۔ ٹریفک وارڈن حامد علی انسپکٹر جس نے ملزم جمال حسین کو انتہائی تیز رفتاری سے موٹرسائیکل چلاتے ہوئے قابو کیا ملزم نے ٹریفک وارڈن سے بدتمیزی کی، اور دھمکیاں دیںجس پر پولیس تھانہ نیو ملتان نے مقدمہ درج کر لیا۔ ملتان پولیس نے گزشتہ چوبیس گھنٹے کے دوران113نان رجسٹرڈ موٹرسائیکلوں کوقبضہ میں لیا ۔پولیس ضلع ملتان نے11اشتہار یو ں کو گرفتارکرلیا۔
فرمان الہی
نماز کے اوقات
